بما ان الانتخابات يوم الخميس فانا حبيت أعرف نفسي للناس اللي ميعرفونيش أنا مصطفى طلحه تانيه مدني و مرشح للجنه الثقافيه اصحابي كانو بيقولولي اعمل دعايه و انزل برنامج انتخابي بس انا قولتلهم ان انا مش هاضحك على حد الاتحاد هيشتغل السنه ديه لمده شهر و نص تقريبا و مهمه اللجنه الثقافيه انها تزود وعي الطلبه اكيد انا مش في شهر و نص هاقدر لوحدي ازود وعي الطلبه خاصه ان انا مش داخل تبع قايمه انا داخل لوحدي عشان أمثل طلبه كتير مش منتمين لحزب او جماعه انا داخل عشان اضمن للطلبه انهم هيجو السنه الجايه يلاقو فرصه انهم ينضمو للاتحاد انا ما اقدرش اوعدكم ان انا هاغير الدنيا بس اللي اقدر اوعدكم بيه اني هاعمل اللي اقدر عليه عشانكم و عشان دور الأزهر يرجع زي ما كان الأوضاع حاليا مش مستقره و زي ما كان الأزهر كان ليه دور دايما في الدفاع عن الدين و الوطن لازم احنا كمان نمارس دورنا في المحافظه على استقرار البلد لازم نبقى ضد المظاهرات الفئويه لازم نبقى ايد و احده عشان البلد تتقدم انا قلت ان انا لو نجحت مش هاشتغل لوحدي ان شاء الله كل قسم هينتخب اسره تكون بتتكلم باسمه و احنا نقعد مع بعض و نشوف فين مصلحه الطالب و نطالب به و فين مصلحه البلد و نقوم بيها أنا مش ساحر و لا مشعوذ مش هاقولكم ان انا هاعمل و هاعمل ان كل اللي اقدر اوعدكم بيه ان انا هاعمل اللي اقدر عليه عشان مصلحتكم
شكرا
