10 نصائح هامة الى كل طلبة اعدادى

بسم الله الرحمن الرحيم

بعد التحيه :
كل عام وانتم بخير
انا اسمى احمد الشافعى
قسم الهندسة المدنية
ولكل طالب فى الفرقه الاعداديه رجاااااااااااااااااااااااء الانتباه :
اولا كل ما عليك فعله للتخطى هذا العام بنجاح وتفوق اشياء بسيطه وهى ما يلى :

1- استعن بالله فى كل شئ
2- اجعل لنفسك هدفا وليس معنى ان تجعل لنفسك هدفا ان تقرر ان تدخل قسم مثلا بترول لانه يأخد من اعلى مجموع لا بل المقصود هو ان يكون هدفك ان تحصل على اعلى تقدير وبناء عليه تقرر ما هو الانسب اليك .
3- حضوووووووووووووووووووووووووووووور تااااااااااااااااااااااااااااااااااااااااااااااااااااااااااااام ساء فى المحاضرات او فى السكاشن حتى لو كنت مش فاهم حاجه من الدكاتره لان الدكتور من الممكن انه يقول ملحوظة مهمة ويجيبها فى الامتحان اما عن السكاشن فالحضور مهم علشان الغياب وطبعا هتلاقى شرح من المعيدين لانهم عاوزين مصلحتك ولو فى اى حاجه مش فاهمها اسأل ومتخفش ومتنكسفش ومتعملش نفسك فاهم
4 - اهتم بالشيتات وقدمها اول بأول
5- اهتم بمواد اساسيه مثل الوصفيه والرياضه والميكانيكا والرسم والفيزياء لان المواد دى من 200 درجه وبتفرق معاك جدا مع مراعاة باقى المواد
6 - حاول تكون انت ( انت وبس ) يعنى اعتمد على نفسك وده طبعا يستلزم منك الالتزام فى الحضور
7- اكيد فى ناس منكم بيسافروا وبالتالى مش هيعرفوا يزاكروا فى الفترة اللى بيسافروا فيها احنا ممكن نعمل حاجه بسيطه جدا وانا فى القطر او فى السوبر جت اقرا اللى انا اخدته واجى يوم الخميس والجمعه والسبت على حسب اجازتك اذاكر مواد الاسبوع
8 - متأجلش حاجه لبكره اعمل كل حاجه فى مواعدها
9 - الدكتور عنده ملكه يضيع اى طالب فخليك محترم مع الدكاتره لانهم مش مدريسين ثانوى
10- هتلاقى فى اول سنه الدكاتره بتاعمل الطلبة بشده وحزم وده علشان الطالب ميفكرش نفسه خلاص بقى مهندس بجد لاء لسه بدرى وبدرى قوى كمان انت لسه اسمك مكتوب بالرصاص يعنى سهل يتمسح
وفى النهايه دى اسماء الدكاترة الموجودين فى اعدادى
د / جابر سعيد ( ميكانيكا )
د / شريف باهى (رسم هندسى )
د / محمد مهنى ( رياضيات )
د / حنفى ( هندسه وصفيه )
د / اسامه عبدالله ( هندسه وصفيه )
د / حمدى عبد العليم ( رياضيات )
د / اسماعيل غازى ( رسم هندسى )
د / محمود حافظ ( هندسة انتاج )

واخيرا وليس اخرا كن مع الله واحفظ الله تجده تجاهك

مع تحياتى / احمد الشافعى