شارك معنا برأيك

بسم الله الرحمن الرحيم
الموضوع بايجاز يا باشمهندسين اننا عاوزين ندعم مشروع داخل الكلية ان الكلية تساعدنا فى مواكبة التطور بمعنى اننا عاوزين ندخل كورسات تدرس فى الكلية
ككورس الاوتوكاد .... والساب والبراميفيرا ... وكورس اللغة الانجليزية ... وغيرها من الكورسات ...
فى بعض ايام الاسبوع
من يرغب فى الامر يستطيع المشاركه وتكون فى نهاية يوم دراسى كمحاضرة شرح ولكن باسلوب متطور وباستخدام الداتا شو واحنا كطلبة فى ناس معاها لابات تقدر تشتغل عليها اثناء المحاضرة

كمان نأمل من الجامعه انها تجبر الطلبة على نزول تدريبات ومواقع ومشاريع كل عام وان الطالب ملزم بتسليم تقرير عن كل مشروع تدرب فيه
دى فكرة يا جماعه وياريت تشاركونا برأيكم

وياريت يا باشمهندسين اللى لليه راى فى الموضوع او فكرة يوضح لنا برده

أنا شايف ده كلام جميل بس مش منطقي قوي يعني موضوع التدريب الاجباري مش لازم يكون اجباري كفايه انهم يوفروه للراغبين فيه وبالنسبه للكورسات احنا ممكن نطالب بوجود كورسات تدريبيه خاصه بالهندسه بس مش لدرجه البراميفيرا لانه اصلا مش كل المهندسين بيستخدموه و كمان مالوش علاقه بالهندسه المدنيه قوي وعلي فكره مطلب كورس الاوتوكاد ده سهل جدا لان الجامعه بتديه في مركز الحاسب في الجامعه بس ب120 ج تقريبا

انامتفق تماما مع حضرتك يابشمهندس على هذه الفكرة

كلامك جميل يا مصطفى بس البراميفيرا على فكرة ليه علاقة بهندسة وبالذات طلبة مشروع ادارة الاعمال وعلى فكرة برده التدريب الاجبارى ده بيطبق فى بعض الجامعات هو كل الفكرة انك تنزل فى الصيف فى شركه ومطالب انك تقدم تقرير للكلية بعد انتهاء فترة التدريب

وبعدين الموضوع مش واقف على كورس الكاد بس
لا فى حاجت تانيه كتير وياريت يا جماعة اللى عمل تصويت على الفكرة ما يسيبهاش سداح مداح كده يقول رأيه حتى لو كان ضد الفكرة بيفيد والله يا جماعه
يعنى 12 واحد موافق واتنين بس اللى قالوا رأيهم عيب يا جماعه

فكرة جميلة وياريت تتنفذ قريب Smile

بالنسبة الى الموضوع هوة موضوع كويس بس المشكلة إن اللى هيقوم بتدريس المواضيع دى لازم يكون ملم بها و لازم يكون عنده وقت فاضى.
و المواضيع دى ممكن تتوفر بس من الصعب تكون مجانية للاسباب الاتية:

1- اللى هيقوم بالتدريس اكيد مرتبط بأماكن تانية وقت التدريس.

2- المكان اللى هيقوم بالتدريس فيه لازم يكون فيه اجهزة علشان الموضوع ميبقاش للى عندهم لاب و بس.

3- الموضوع مطلوب من طلبة كتير مش هينفع تقول لا انا هاخد المجموعة دى من الطلبة و دى لا فاذا كان مجانى اللى عاوز و اللى مش عاوز هيقول مش هخسر حاجة.

4- الطالب اللى هيدرس المواضيع دى اكيد هيسأل و هياخد وقت للفهم فممكن زمايله يتضايقوا منه اذا كان الوقت محدود خصوصا جوة الكلية.

5- مش هينفع ان الشرح يكون كلام و بس و مش هينفع تستنى الطالب لحد ما يكتب اللى انت قلته فلازم يكون فيه ملزمة موجودة لكل طالب على الاقل للموضوع اللى بيتدرس وقتها علشان تطبيق الشغل العملى بعد كده.

فأرجوا ان تؤخذ هذه الامور فى الاعتبار لانى بطرح النقط دى علشان الموضوع يكون متخطط له صح مش قصدى اعقد الامور.

شكرا ليك يا باشمهندس ورأيك فعلا يهمنا وفكرة ان الموضوع يبقى مجانى او بفلوس دى مش فارقه معانا كتير انه يكون بفلوس المهم نلاقى الحاجه دى موجوده عندنا فى الجامعه باسلوب كويس علشان يبقى لينا نفس واحنا بنتكلم
وبجد مشاركتك معانا يا باشمهندس هتفيدنا كتيييييير جدا

والله يا باشمهندس هى فكره كويسه بس يااااااااارب الاداره اللى فى الكليه توافق على الفكره دى لانه ممكن يوفر لكتيييييييييير من الطلبه موضوع الكورسات من قبل التخرج ودا شئ كويس

هوه طبعا موضوع الكورسات ده كويس جدا بس يكون هوه والتدريب الصيفى اختيارى علشان يبقى الموجودين فيه الراغبين بس (الى عايزين يتعلموا بمعنى اصح)

و بالنسبه برده لموضوع كورسات الانجليزى
لو درسوا مثلا مادة الانجليزى على انها كورس هيكون احسن بكتير بدل ما هيه ماده الطلبه بتذاكرها ليلة الامتحان وخلاص

موضوع الكورسات والتدريب كويس جدا ويكون اختياري احسن بس ياريت نكمل الفكرة دهية ونجتمع في الكلية ونحاول نتكلم ونتحرك

الفكرة جميلة جداٌ وانا شايف أن موضوع وجود الاجهزة مش مشكلة لان
لو تمت الوافقة ممكن يكون التدريس في قسم نظم / وربنا يسر لنا الأمور

السلام عليكم
طبعا انا موافق على اقتراحك يا شافعى
بس معلش يعنى ده عمرة ما هيتنفذ وانتو اكيد عارفين كده
وانا شايف انه شىء صعب جدا على جامعتنا

والله الموضوع غايه فى الروعه ومهم جدا انا عن نفسى رحت جامعه القاهره ولقيت مراكزكتير جدا هناك لكل انواع الكورسات لدرجه انى انا كنت حيران اخد في انهى مركز
واقترح عليك يا شافعى انك ممكن تكلم د/ حنفى رئيس القسم فى الموضوع
واهى سبوبه يامو منها مبلغ محترم كل عام يساعد فى تطوير اى حاجه دا اذا كانوا عاوزين يشتغلوا

مما لا شك فيه ان اكيد كله نفسه فى ده انه يتعمل واكيد كله موافق ماعتقدش ان حد هيعترض اساسا بس زى متكرم الكثير منكم وقال دا يبقى اختيارى وزى ما قال البشمهندس احمد حامد صعبه انه يكون ببلاش وكل دى اقتراحات صح وحاجات واقعيه احنا عايزين نخليه اختيارى ويبقى بفلوس ما كده ولا كده جوه الجامعه براها هناخدها بفلوس بس الاهم من ده كله هى كيفية اقناع رئيس القسم والعميد وازاى نخليهم مؤيدين عشان لما يتعاملو معاها يتعاملو باقتناع عشان يقدمولنا المساعدات ونقدر نحصل على اد ما نقدر من طلباتنا لان المشكله ان مفيش تفاعل مع الموضوع كله يقولك اه وماله بس تعالى نعلى صوتنا ونقول عايزين ده وده متلاقيش حد ............لازم نتحد الاول وبعد كده نتكلم عشان لما يلاقونا متحدين هيسمعولنا لكن عشره لا عشرين ماعتقدش ان حد هيعبرنا

كلامك جميل ومظبوط يا islamsmsm وعلشان قده قبل ما اخد خطوة واحده لقدام عرضت الامر للجميع والكل يشارك برأيه وادينا فى انتظار اراء الجميع

الكورسات مش موضوع احنا اكتشفنا ضرورة وجودة فجأة, الكورسات موجودة فى كل الكليات وخصوصا الهندسة والطب , يعنى هندسة اسكندرية مثلا فيها كورسات وميزات كتيرة بتمنحها مجانا زى قيادة الحاسب والاوتوكاد ........ الخ احنا مش بنقول مجانا لكن حتى ولو بسعر رمزى ودا اكيد هيعود بالنفع على الجامعة ان يتخرج طالب عندة خبرة كفاية وعلم كمان , وكدة سمعة الجامعة تكبر ونحبب الطالب فى الكلية اكتر واكتر _________ يا رب على جامعتنا ووفقنا جميعا .

هذا الموضوع قد طرح سابقا و قد وددت ان ارد عليه بموضوع كامل و لكن هناك ملاحظة هامة جدا و هى اذا كانت هذه الكورسات ستدرس داخل الجامعة فسيكون لها اسعار خرافية لاعتبارات لا استطيع ان اقولها هنا. و هذا هو نص مشاركتى للموضوع عسى الله ان انفع الجميع به.

اعزائى المهندسين و الطلاب و الطالبات

السلام عليكم و رحمة الله و بركاته

ايماء الى موضوع سابق بشأن دورات للساب و الاوتوكاد ذات السعر المخفض فقد سألت كثيرا العديد من الطلاب على هذا الموضوع و على أسعار هذه الدورات ووجدت ان اسعارها تخيلية و لا تفيد المهندس المدنى او المعمارى خاصة و انما هى دورات عامة فقط. وعليه فقد سألت على أنسب الاماكن المناسبة للطلاب لعقد هذه الدورات ووجدت ان هناك مكانين بالحى السادس يحتويان على 10 اجهزة كمبيوتر متصلين بجهاز كمبيوتر للشارح بحيث يظهر الشرح امام كل طالب بالإضافة الى امكانية التطبيق للشرح.

و بالتالى فقد رأيت ان انسب الحلول هو ان تكون الدورات خاصة بالقسم سواء كان الدارس مدنى او معمارى و باسعار مخفضة. و قد استعنت ايضا بالعديد من المهندسين و المهندسات المعماريين و المدنيين لعقد هذه الدورات باسعار 300 جنيه لدورة الساب منفصلة و 150 جنيه لدورة الاوتوكاد منفصلة او بسعر 400 جنيه للدورتين معا على ان تكون هذه الدورات متضمنة التطبيقات الهندسية المدنية او المعمارية على حسب تخصص الدارس.

فعلى من يرغب الاتصال بى لتنسيق الدورات.

و الله الموفق

طبيعي اوافق زيكم ولكن مش اي حد هيدرس الكورسات لان احنا ملينا من المواد اللي مفيهاش سكاشن ما بالك بكورسات هيدفع فيها فلوس

المهم اوى فى الموضوع ده ان الناس اللى هنعملوا ياخدوه بجد شويه علشان ده لو فشل من اول مره استحاله انه يتعمل تانى مش مجرد كلام بيتقال لازم اللى هيقوم على العمل ده يكون قده وهو فكره كويسه جدا

يابشمهندس احمد اكيد كل ده فى الاعتبار بس اكيد الكلام ده وموضوع الكورسات ده الهدف الاساسى منه تطوير الكلية بشكل او باخر
او بمعنى تانى هندسة ازهر تبقى متسيطة بين الجامعات الاخرى على مستوى مصر وهما اللى يتكلموا عنا مش احنا اللى بنتكلم عنهم واظن واضح كلامى ؟؟!!!

موضوع جيد وفكرة ممتازة

هو الموضوع كويس جدا بس هيحتاج تنظيم شديد ولو الموضوع دا هيكمل وانا اشك فى الكلام ده فاقترح ان :_
1_كل قسم يستقل بالكورسات الضروريه لطلبه هذا القسم
2_ان الكورسات تكون مختلفه وتقام فى نفس الموعد ولكن كل كورس يكون محدد لفرقه معينه لكى نتجنب الزحام وان تقام هذه الكورسات على مدار ايام السنه
وارجو من الله بتمام ذلك الامر من اجل ارتقاء جامعه الازهر والمهندس الازهرى *"* Surprised

انا شايف ان الكلام حلو ، بس هو فين التفعيل ؟
يعنى هل فعلا ف حد طلب ده رسمى من العميد أو رئيس القسم ؟

» تعلم معنا معانى من الحياة