CiViL Engineering
اسرة ادارة منتدى CiViL Engineering ترحب بجميع الاعضاء والزوار
نتمنى ان نرى ابدعاتكم المتواصله
مع تحيات ادارة المنتدى
م/ أحمد الشافعى



 
الرئيسيةاليوميةمكتبة الصوربحـثالأعضاءالمجموعاتالتسجيلدخول




تنبيه هام :
الى جميع أعضاء المنتدى رجاء الانتباه نوجه عناية الجميع الى انه يوجد فى اسفل المنتدى " علبة الدردشة " التى تساعد على تواصل الاعضاء مع بعضهم البعض مباشرة

بشرى سارة :
حصريا على منتدى civil Engineering شرح مواد لطلبة الفرقة الاعدادية على هذا الرابط http://civileng.formyjob.net/montada-f7/topic-t58.htm#92

لحظة من فضلك : بعد تسجيلك عزيزى الزائر واشتراكك معنا فى المنتدى ستصلك رسالة تفعيل للاشتراك على الايميل الخاص بك يجب أولا فتحها وتفعيل الاشتراك مع خالص تحياتى

شاطر | 
 

 مصر لمت هدومها و مشيت..........

اذهب الى الأسفل 
كاتب الموضوعرسالة
hishamabdo
عضو متميز
عضو متميز
avatar

عدد المساهمات : 372
عدد النقاط : 668
السٌّمعَة : 7
تاريخ التسجيل : 10/11/2009
العمر : 28
الموقع : hisham abdo facebook

مُساهمةموضوع: مصر لمت هدومها و مشيت..........   الأحد 02 يناير 2011, 12:13 am




صحيت فى يوم لقيت الناس عمالة بتجرى
سالت فيه ايه مالكم كده من بدرى

قالولى مصرلمت هدومهاومشيت
قولتلهم ازاى هى لولادها نسيت

استنوا اكلمهاواحاول افهم منها
وطالبت رقمها ورن تليفونها
وراحت ردت على محمولها

قولتلها مالك ياست الكل
ماشية ليه وسايبة الكل

قالتلى اقول ايه ولا ايه
داانا تعبت اوى يااسمك ايه

30سنة مرمطونى وشحتاتونى وبهدلونى
ولما اشتكى عمرهم مابيسمعونى

قولتلهامين دول قوليلى عليهم
وانا اروح اكسرلك ايديهم

قالتلى تكسرى مين يااسمك ايه
دايعنى 80مليون وزيادة عليه

جاعوا وتعبوا وشقيوا
اتغربوا اتمرمطوا وبكيوا

قولتلها اكيدعليكى
نفسهم يرجعوا عندك يبوسواايديكى

بكيت ست الكل وقالتلى
ايدمين؟
ولادى بقوا عليا لايمين

فاكرنى عليهم قسيت
ولحقوقهم عليانسيت

بس والله يااسمك ايه
اناعمرى ماجيت عليهم
دول هما الله يسامحهم
وفى اخرتهم ربى يحاسبهم

اللى ظلموهم وبهدلوهم
ومن حضنى طفشوهم

قولتلها طيب اهدى ياست الكل
قوليلى انتى فين؟
اصلى رصيدى هيقطع
ومش هنلحق نقول الكلمتين

قوليلى وانا اجى لحد عندك
اصالحك وابوس ايديكى
ومن همك اخدك

قالتلى تجيلى فين
اناتايهة من سنين

اروح على اقف على النيل وابوص عليه
اصله بكره هيروح منى
ومش هالحق ابكى عليه
واروح على الاهرامات
وافتكر ولادى وقوتهم وعزيمتهم
وتاريخى اللى مات
وابوص على البرج وجماله وافتكرالذكريات
والاقى شكله بقى جميل واسال من ايه
اعرف انهم اجروه لبتوع الامارات

بذمتك دا اسمه كلام عاقلين
ناقص الاقى معبدابوسمبل مكتوب عليه
صنع فى الصين
داغيرالقطن والقمح واحلى خضار تاكليه من ارضى
سيبناداكله وزرعنا الكيوى
واعمل ايه ولاايه واناايه بيدى

قولتلها طيب اهدى ومتعيطيش
وعلى عيالك متلوميش
ونشوف عملوا كده ليه وانتى بس متتعصبيش
قالتلى الوم على مين ولا مين

ولادى لخيرى عليهم بقوا ناسين
ويلوموا على اللى برا لما يبقوا
عليا اسيين
تذويروتحوير وكدب
وحاجات تانية كتير
وحكومات فاسدة واس مش قادرة
وناس لتاريخى ناكرة

اااااااااه يااسمك ايه
دول ليا مش بس ناسين
دول بقوا كتير قاسين
30سنة الحزب الوطنى
والناس ماشية تسال فين هو وطنى
لامعارضة ولااخوان مسلمين
ولاحديقول حزب مستقل
ولاحزب معرفش مين
وتقولى مش قاسين

ولادى بيموتوا ادامى من الجوع
الرجالة عيونها بتزرف دموع
وكان بلدهم بتقولهم
عيشتكم فيها بقت ممنوع

والاخوات بيقتلوا فى بعضهم
واطفال من الجوع بتشكى بطنهم

وتقولى مش ناسين
وقافلين حدودى ليه مع فلسطين
هما دول اصلا مين
يعرفونى ويعرفوا اخواتى منين

دفنوا تاريخى الله يخرب بيوتهم
وباصين للغلابة حتى فى قوتهم

وفرض ضرايب من واحد ...
وكان الخيبة عليهم نزلت
زى الاعصار

بيخبطوا فى بعض وخلوا احلام
ولادى دمار
والله دول اخرتهم عند ربهم فى النار
وتقوليلى لمى هدومك ليه
ونبى سيبينى امشى بقة يااسمك ايه
ومعرفتش اسالها ليه

بس قولتلها عشان خاطرى اهدى
ومعايافى الكلام خدى وادى
قالتلى صلى على النبى
قولت الف صلى عليك يانبى

قالتلى شوفتى اللى الخضرا عملته فيا
قولتلها اه وصعبتى اوى عليا
قالتلى بس انابقة منها مش زعلانة
انابس كنت حيرانة
هى عملت معاياكده ليه

وعرفت ان قيمتى بتقل مابينهم
وخلاص هيحسبونى مش منهم
واللى بقول عليهم ولادى
هما اللى عمله فيا كده الله يخرب بيتهم

وعندك مشكلة حوض النيل
ودى بقة اكبر دليل
ولا سوريا اللى علياغالية
دااحنا كنا حبايب
وبينا وحدة عربية
معرفش بقت واخدة حانب منى ليه
وبعيدة عنى اوى كده ليه
اتارى اللى اسمهم ايه
هما اللى عملوا كده

ولايعينى على فلسطين
وولادها المتبهدلين
يقفلوا معابرى معاها ويقولوا منهم خايفين

ونبى دا اسمه كلام
وكل البلاد التانية بترمى بالملام

وليبيا كمان زعلانة
والكويت والامارات
وغيرهم وغيرهم من كل البلاد

يرضى مين اسيب اخوانى العرب
واروح ارمى نفسى فى وسط الجرب

امريكا مين ومين اسرائيل
دول يروحوا يقابلوا عزرائيل

يخدهم ويريحنا
واحنا العرب ربنايجمعنا ويفرحنا

مش اروح اعمل معاهدة سلام
دا اسمه اى كلام فى اى كلام

ومانع ولادى من الجهاد
ودماغه ناشفة كالمعتاد
وناس بتبعد عنى فى ازدياد

وتقوليلى خليكى
داانا من الهم كبرت
ومن الغم عجزت
ومن كتر اللى عملوه ادينى سكت

وماشية ومش راجعة تانى

واللى يسالك عنى
قوليلوا ينسانى
لحدماحالهم يتعدل
وانا لوحدى هارجع تانى

يالا بقى عشان مطولش عليكى
وسلميلى على اللى بيحبونى بجد
من اللى حوليكى

قولتلها ماشى يامصر ياست الكل
سلام
وخلص مابنا الكلام

ومصر لمت هدومها ومشيت






قال ابن حزم : " إياك وسؤال المتعنت ومراجعة المكابر، الذي يطلب الغلبة بغير علم، فهما خُلُقَا سوءٍ ودليلان على قلة الدين "


إن يعلموا الخير أخفوه وإن علموا ** شراً أذاعوا وإن لم يعلموا كذبوا

------------------------------------------

إن يسمعوا سبة طاروا بها فرحاً ** مني وما يسمعوا من صالح دفنوا

------------------------------------------

صمٌ إذا سمعوا خيراً ذكرت به ** وإن ذكرت بسوء عندهم أذنوا


الرجوع الى أعلى الصفحة اذهب الى الأسفل
http://enghishamabdo.hooxs.com/
MOSTAFATALHA
عضو نشط
عضو نشط
avatar

عدد المساهمات : 69
عدد النقاط : 104
السٌّمعَة : 7
تاريخ التسجيل : 23/09/2010
العمر : 28

مُساهمةموضوع: رد: مصر لمت هدومها و مشيت..........   الأربعاء 05 يناير 2011, 11:40 pm

لو هي لمت هدومها و مشيت لازم احنا نرجعها تاني
بايدينا نقضي على الفساد اللي جوانا و لو كل واحد صلح من نفسه قبل ما يبص لغيره مصر هترجع تاني
الرجوع الى أعلى الصفحة اذهب الى الأسفل
 
مصر لمت هدومها و مشيت..........
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
CiViL Engineering  :: الاقسام العامه :: قسم المواضيع العامه-
انتقل الى: